Konsenan DUA:

Asistans Chomaj pou Dezas se yon pwogram benefis gouvènman federal finanse pou ede moun ki pap travay akòz yon dezas. Pwogram sa a mache konsa:

• Gouvènè a dwe fè demann pou asistans
• Prezidan peyi Etazini an apwouve demann pou asistans lan.
• Yon akò siyen dwe anvigè anvan pou yo fe nenpòt aksyon.
• Apre yo fin deklare yon dezas, ajans sekirite pou travay leta a dwe fè yon anons ofisyèl konsènan lajan ki disponib pou Asistans Chomaj pou Dezas.
• Tout moun ki kalifye gen 30 jou apati dat anons la pou yo depoze yon reklamasyon pou Asistans Chomaj pou Dezas. Si dat separasyon an pi ta ke dat anons lan, lwa eta a ap aplikab.
• Peryòd Dezas la se yon peryòd ki gen 27 semèn apatide premye semèn ki apre dat gwo dezas la te kòmanse, epi li fini nan 27yèm semèn apre dat yo te deklare gwo dezas la.
• Tou depan de dat deklarasyon an, li posib pou moun yo resevwa plis pase 27 semèn benefis.
• Yon moun dwe fin epwize tout benefis reyanplwa lap resevwa yo anvan l kalifye pou Asistans Chomaj pou Dezas. Yon reklaman ki pa kalifye pou resevwa benefis reyanplwa regilye ka gen dwa pou resevwa Asistans Chomaj pou Dezas.
• Yap kalkile Benefis Asistans Chomaj pou Dezas la avèk yon peryòd de baz pou ane fiskal ki pi resan ki te fini anvan konsekans irèk dezas ki te fè moun nan pap travay la.
• Pou tout semèn kote salè reklaman an depase kantite lajan benefis chak semèn yo kalkile a, moun nan pap resevwa okenn peman pou semèn nan.
• Si moun nan te resevwa lèt detèminasyon monetè a epi li gen plis enfòmasyon sou salè li (pa egzanp, bilten peman, relve 1099, oswa dosye kont labank) ke yo kwè ki ka chanje detèminasyon an, yo ka ranpli yon nouvo detèminasyon nan Sant Èd RA a.
• Enfòmasyon pou Apèl/Konstestasyon:
• Reklaman an ap gen 60 jou pou l depoze yon apèl/kontestasyon kont yon detèminasyon oswa yon redetèminasyon.
• Tout kontestasyon nan Asistans Chomaj pou Dezas pral deside nan 30 jou apre dat yo te resevwa kontestasyon an.
• Reklaman an ap gen 15 jou pou l prezante devan Administratè Rejyonal la kontestasyon kont desizyon abit la..
• Administratè Rejyonal la ap gen 45 jou pou l travay sou dosye yo epi pou l rann yon desizyon.
• Administratè Rejyonal la dwe rann desizyon an nan lespas 90 jou apre jou ajans leta a te resevwa desizyon orijinèl reklaman an..
• Etranje yo ka resevwa benefis Asistans Chomaj pou Dezas si yo satisfè kritè "kapab ak disponib" daprè lwa eta a, Etranje yo dwe "kapab ak disponib" pou travay epi Sèvis Imigrasyon ak Natiralizasyon dwe otorize yo pou travay nan peyi Etazini.
  
  

Asistans Chomaj pou Dezas disponib pou moun ki:

• Tap travay oswa tap travay avèk tèt yo oswa te pwograme pou kòmanse travay oswa te pwograme pou kòmanse travay avèk tèt yo;
• Pa kapab travay oswa rann sèvis akòz domaj fizik yo resevwa akoz destriksyon andwa travay la ki se konsekans dirèk dezas;
• Kapab pwouve ke travay oswa travay avèk tèt yo ke yo pa ka fè ankò a te sous prensipal revni yo; 
• Pa kalifye pou benefis chomaj regilye nan nenpòt lòt eta;
• Pa ka travay oswa travay avèk tèt yo akoz yon chòk yo te sibi ki se konsekans dirèk dezas la; oswa
• Te devni soutyen prensipal oswa devni gwo sipòtè kay la paske moun ki te soutyen prensipal fanmi lan mouri nan gwo dezas la.

Kisa w bezwen pou aplike:

Ou dwe founi enfòmasyon sa yo pou w ka ranpli aplikasyon w lan:

• Nimewo Sekirite Sosyal.
• Nimewo anrejistreman etranje w la ak dat ekspirasyon li (si sa aplikab).
• Non ak adrès dènye anplwayè w la.
• Si w te travay nan yon lòt eta pandan de ane ki sot pase yo, bay non ak adrès patwon ki andeyò eta a.
• Si w ap travay avèk tèt ou epi w gen prèv ke w tap travay avèk tèt ou pou de ane ki sot pase yo. (Pa egzanp, deklarasyon 1099, deklarasyon taks leta oswa federal, dosye kont labank, deklarasyon yon bank ki montre kont biznis lan, oswa yon kopi tit oswa papye kay yon pwopriyete biznis.)
• Si w te pwograme pou w travay men ou pat kapab travay akòz dezas la, ou dwe bay non ak adrès patwon an ak dat ou te pwograme pou w travay.

Pou resevwa benefis DUA, yo dwe soumèt tout dokiman ki nesesè yo nan 21 jou apati dat ou te depoze aplikasyon DUA a.

Resous:

• Kijan pou w aplike pou DUA
  
• Kesyon Reklaman yo Poze pi Souvan
• Kesyon Anplwaye yo Poze pi Souvan
• Aplike pou DUA
  
  
  

Bay prèv ou tap travay:

POU MOUN KI PAT KALIFYE POU BENEFIS REGILYE RA OSWA MOUN KI FIN EPWIZE BENEFIS REGILYE YO epi ki te vin ranpli yon aplikasyon DUA:

Si w te aplike pou Asistans Chomaj pou Dezas, wap bezwen bay prèv pou montre ke w tap travay anvan evènman ki kalifye pou DUA a. Yo rele sa "prèv ou tap travay". Nou rekòmande pou w gen dokiman w yo disponib paske Depatman an pral kontakte w pou bay prèv pou montre ke w tap travay.

Dokiman pou bay kòm prèv ki montre w tap travay enkli:

Pou MOUN KI GEN YON DETÈMINASYON MONETÈ kap bay enfòmasyon sou salè ki manke pou yon REKLAMASYON/APLIKASYON DUA:

Depi w fin aplike pou Asistans Chomaj pou Dezas, wap resevwa yon lèt Detèminasyon Monetè nan bwat CONNECT ou a. Epitou yap poste yon kopi ba ou si w chwazi lapòs kòm metòd kominikasyon prensipal ou prefere. Si w kwè kantite benefis ki nan lis la pa kòrèk paske gen enfòmasyon sou salè w ki pa la, wap bezwen soumèt yon demann pou Rekonsiderasyon Monetè, gade etap ki anba a, pou w revize enfòmasyon w yo ankò. W ap bezwen tou pou bay prèv salè ou te touche pandan w tap travay anvan evènman ki kalifye pou DUA a. Yo rele sa "prèv sou salè".

Dokiman pou bay kòm prèv sou salè yo se:

• W2 (pou ane ak trimès ki nan peryòd debaz reklamasyon an)
• Bilten peyman (dwe montre taks federal aavèk ane ak trimès ki nan peryòd debaz reklamasyon an)
• 1099 (nan ane ak trimès ki nan peryòd debaz reklamasyon an)

Pou fè demann pou yon Rekonsiderasyon Monetè epi soumèt prèv sou salè w, ale nan Sant Èd RA a epi swiv etap sa yo:

1. Chwazi "Mwen se yon Reklaman"
2. Chwazi "Detèminasyon Monetè"
3. Chwazi "Mwen ta renmen konteste detèminasyon monetè mwen an"
4. Chwazi "Swivan" pou w ka ale nan Pòtay RA a
5. Konekte avèk menm enfòmasyon idantifikasyon ou itilize pou w konekte sou kont Asistans Reyanplwa w la
6. Klike sou "Mwen ta renmen konteste detèminasyon monetè mwen a" sou paj dakèy Pòtay RA a