Kondisyon pou elijibilite

Ki moun ki ka anrejistre avèk Biwo pou Dwa Sivil Depatman Opòtinite Ekonomik la (Department of Economic Opportunity's Office for Civil Rights)?

Nenpòt moun ki panse yo viktim diskriminasyon ilegal akòz:

• yon règleman, yon pwogram, yon aktivite oswa yon anplwaye nan depatman nou an
• yon benefisyè (kontraktè oswa founisè sèvis) ki resevwa asistans finansye federal atravè depatman nou an.

Pa egzanp, pami moun sa yo, ka gen kliyan ki nan Sant One-Stop nou yo, tankou:

• Moun kap chèche travay yo
• Moun kap aplike pou benefis chomaj
• Moun kap aplike pou pwogram fòmasyon travay
• Moun kap patisipe nan pwogram fòmasyon travay
• Moun kap aplike pou travay nan depatman nou an
• Anplwaye ki nan depatman nou an

Rezon valab pou anrejistre plent poutèt diskriminasyon

Diskriminasyon1 poutèt kèlkeswa rezon ki make pi ba yo, entèdi kategorikman nan pwogram Depatman yo:

• Ras
• Koulè po
• Andikap
• Relijyon
• Sèks
• Orijin natifnatal
• Laj
• Eta sivil
• Afilyasyon politik oswa kwayans 2
• Patisipasyon nan nenpòt pwogram WIA Tit I ki resevwa asistans finansye oswa nan nenpòt aktivite 3
• Sitwayènte oswa estati antanke yon imigran legal ki gen otorizasyon pou travay Ozetazini 3

1 Chapit  760.10 nan Lwa Florida 
2 Afilyasyon politik oswa kwayans aplikab pou pwogram WIA yo sèlman.
3 Sitwayènte/estati antanke imigran ak patisipasyon nan pwogram aplikab a benefisyè pwogram WIA yo sèlman.

Èske jiskaprezan ou pa fin si ki kote pou anrejistre, oswa kisa delè pou anrejistre a ye?

Tanpri Kontakte nou.